KABANKALAN CITY, NEGROS OCCIDENTAL – Patay ang ginakabig Number 1 nga drug personality sang Kabankalan City matapos nga ini ang gintiro kahapon sang aga sa Brgy. Hilamonan sang amo na ciudad.
Nakilala ang napatay nga amo si Jose Bugalon Jr., Alyas Bogart, legal ang edad kag pumuluyo sang ciudad sang Kabankalan.
Suno sa imbestigasyon sang Kabankalan City Police Station ang insidente natabo may mga las 11:10 kahapon sang aga sa Purok Paraiso, Brgy. Hilamonan, Kabankalan City.
Madugay naman ini gina surveillance apang wala gid na timingan sang mga otoridad.
Ginpahayag nga nagalakat gid ang biktima pauli sa ila balay sang may apat ka mga suspek nga sakay sa duha ka motorsiklo kag naka-bonnet ang nagpundo sa iya atubang kag hinali na lamang ini nga gintiro.
Gilayon nga nagpalagyo sa norte nga direksyon sang ciudad ang mga suspek samtang ang biktima naman ang gindala pa sa Lorenzo D. Zayco District Hospital apang gindeclare nga dead on arrival.
Narecover sa crime scene ang walo ka baseyo sang kalibre .45 nga pistola. /dyHB BACOLOD
