Davao City – Daling giposasan sa kapulisan sa Davao Occidental ang gikonsiderang Most Wanted sa maong probinsya nga adunay kasong Frustrated Murder didto sa may Brgy. Kiobog, Don Marcelino, Davao Occidental.
Pinasikad sa warrant of arrest nga giisyu ni Honorable Presiding Judge Carmelita Sarno Davin sa Regional Trial Court, 11th Judicial Region, Branch 19, Digos City, Davao Del Sur naaresto ang suspek nga si Edward Daguit Snyder, 44 anyos, transient resident sa Purok 5, Talomo, Davao City.
Gibatbat ni Davao Occidental Police Provincial Director Thor Valiente Cuyos nga ila dakpon ug siguraduhon nilang mapaslak sa prisuhan ang tanang mga pinangita sa balaod.
Samtang, malampuson usab nga nadakpan didto sa Prk. 5 Brgy. Poblacion, Nabunturan, Davao de Oro atol sa gikasang joint manhunt operation sa kapulisan sa Davao de Oro, Criminal Investigation and Detection Group kun CIDG Davao de Oro ug 25th Infantry Batallion Phillippines Army ang taga- P-1, Brgy. New Sibonga, Nabunturan, Davao de Oro kinsa adunay kaso usab nga Frustrated Murder nga si Walter Ambalong Genelazo.
Sa press release gibutyag ni pasidaan ni Police Regional Office XI Regional Director PCSupt. Marcelo Morales nga tanang mga nagtago ug gawasnon pang mga wanted persons ilahang tultulon ug pandakpon pinaagi sa intensified operation sa kapulisan sa Davao Region.
RadyoMaN Aimee Guinita
