GENERAL SANTOS CITY- Gipusil patay ang nanguna sa drug target list sa Regional Drug Enforcement Unit 12, human mapusilan sa natigayong anti-drug operation kagahapong adlawa.
Giila ang maong biktima nga si Bryan Cortado residente sa Blk 3 Lt 1 Gensanville Subd. Bula . Natigayon ang maong insidente pasado alas-4:00 sa hapon, sa Champaca St kanto Naranjita St ning dakbayan.
Base sa gihatag nga impormasyon, sakay ang nahisgutan sa iyang nakaparada nga Mitsubishi Lancer nga may plate number nga LCF 810. Namatikdan matud pa niya nga adunay mga otoridad nga padulong kaniya, hinungdan nga gitistingan nya nga makalingkawas, apan giharangan sya sa sakyanan sa RDEU-12.
Pagnaog sa pulis nga sakay niini, mibunlot matud pa ug pusil si Cortado ug gipabuthan ang mga otoridad. Hinungdan nga gibaslan siya, rason nga naigo ug gidala sa balay-tambalanan. Naigo sa tagiliran ug dughan matud pa ang naasoy nga suspek nga hinungdan kung asa kadugayan nakabsan sa kinabuhi.
Samtang, narekober matud pa sa kapulisan sa iyang sakyanan ang usa ka .38 revolver nga may 5 ka bala ug mga drug paraphernalia, ug usa ka metal case nga may lima ka sachet sa shabu.
Gikabutyag nga dugay nang gimonitor sa RDEU-12 ang nahisgutan, gumikan sa iyang pagkalambigit sa iligal nga droga.
Unsa man ang imuhang opinyon kabahin niini bestfriend?
For more info’s and updates, like and share our official facebook account www.facebook.com/ifm91.9Gensanofficial/
