BACOLOD CITY – Nadakpan sa ginpatigayon nga buy bust operation kagab-i ang ginakabig top 1 Street level target sang Police Station 1 sang Bacolod City Police Office.
Ang suspek nadakpan mismo sa ila puluy-an kag ginkilala kay Romulo Dipon alyas Dipon, 55 anyus, residente sang Prk. Kingfisher B, Barangay 16, syudad sang Bacolod.
Suno sa hepe sang Police Station 1 – Senior Inspector Leo Estopa, si Dipon ang top 1 sa street level target kag madugay na nga ginapaidalum sa surveillance sang mga katapo sang Police Station 1.
Narecover halin sa suspek ang anum tanan ka sachets sang suspected shabu kag mga drug paraphernalia.
Facebook Comments
