*NO. 2 UG NO. 8 MOST WANTED SA GENSAN CITY POLICE OFFICE-SIGNIT*
General santos City—wala makalingkawas sa kamot sa balaod ang suspetsadong no. 2 Most Wanted sa Gensan City Police Office atol sa gihimong operasyon sa Intelligence Division and Management Branch (IDMB) sa area sa Barangay Lagao ning syudad.
Suspek nailhang si Darwin Bernal, 35, residenti sa Prk. Sto. Niño, Barangay Apopong ning syudad.
Alas 9:25 ang takna sa buntag, Myerkules, July 12, 2017 dihang gipahigayon ang operasyon batok sa nahisgutang suspek ilawom sa Area of responsibility sa Lagao PNP nga miresulta sa pagkasikop niini pinasikad sa warrant of Arrest sa kasong Rape nga iyang giatubang nga dunay criminal case no. 27720 nga una nang gipagula ni Hon. Judge Jose Blanza sa RTC Branch-22, 11th Judicial Region.
Wala na mipalag ang nahisgutang suspek human nga gipresentar kaniya sa arresting team ang warrabnt of arrest sa kasong iyang giatubang.
Sa kasamtangan, commitment order nalang gikan sa korte ang gihuwat sa kapulisan aron mabalhin na kini sa Gensan City Reformatory Center. Nasayran nga wala gyoy pyansa nga girekomendar ang korte sa kaso sa nahisgutan.
Sikop usab sa gihimong Operasyon sa kapulisan ang no. 8 most wanted sa Gensan City Police Office nga si Mark Lim Aduca, 20, residenti sa San Lorenzo, Apopong, Gensan. Alas 5:15 ang takna sa buntag niadtong nakalabayng adlaw pinaagi sa warrant of arrest sa kasong paglapas sa Sec. 5 sa RA 7610 nga gipagula usab ni Hon. Judge Jose Blanza sa RTC Branch-22, 11 th Judicial Region.
sa kasamtangan commitment order nalang usab ang gihuwat aron nga mabalhin kini sa Gensan City Reformatory Center.
