Quezon City – Arestado ang no. 7 most wanted person sa ikinasang buy-bust operation sa Novaliches, Quezon City.
Ayon kay Senior Inspector Dennis Francisco, hepe ng Novaliches Police Station Drug Enforcement Unit and Intelligence Branch, nakatanggap sila ng tip na nakita nila sa lugar si Reynaldo Deloso alyas Naldo na kilalang tulak at gumagamit ng droga.
Dito aniya minanmanan ang suspek na nagresulta sa pagka-aresto nito.
Sinabi ni Francisco, ilang beses na itong nakulong at madalang nang umuwi sa kanilang lugar.
Nabatid na kumagat sa patibong ng mga pulis ang suspek nang mag-order sila ng P27,000 na halaga ng shabu.
Narekober kay Deloso ang 25 grams ng shabu na nagkakahalaga ng P170,000.
Facebook Comments
