Davao City – Karon nga nagsugod na ang pagsaka sa ihap sa kaso sa COVID-19 denhe sa syudad sa Davao gumikan sa daghamng mga COVID-19 may igong basehan aron idili una ang pag-angkas sa motor nga usa sa nakitang pamaagi aron mapuggan ang pagkaylap sa virus ug aron matapos gilayon ang global health crisis mugna sa maong balatian.
Matud ni kanhi Inter-Agency Council For Traffic (I-ACT) Deputy Director Elmer Arganio, ang ‘No Backrider Policy’ maoy katumanan kon esensya sa social / physical distancing nga gimando sa DOH aron ang virus dili makakita og kahigayonan nga makatakod og lain nga host o carrier nga maoy hinungdan nga mabuhi og dugay ang maong balatian.
Gibutyag sa kanhi I-ACT official nga may igong rason ang gobyernong lokal aron ipatuman ang ‘No Backrider Policy ‘ kansang tumong mao ang pagsanta sa pagtakod niini ngadto sa angkas nga pasahero sa nagpositibong driver sa motor.
Sa pinaka-ulahing katikaran gikan sa Department of Health (DOH) Davao Region, muabot na sa 415 ang Persons under Investigation (PUIs) diin sa maong ihap, 258 ang negatibo, 48 ang nagpositibo samtang misaka na sa upat ang namatay ug anaa sa lima ang naka-rekober.
Gipasabot ni Arganio nga ang pagdili sa pag-angkas sa motor dugay nang balaud sa Pilipinas apan karon lang nahatagan og ngipon kun igong bili gumikan sa COVID-19 nga mikuyanap ug mi-epekto og maayo sa ekonomiya ug kinabuhi sa daghang tawo sa tibuok kalibutan.
Gi-awhag ni Araganio ang katawhan nga magpuyo sa balay apan batasanon ang lagyuay og distansiya aron kun aduna ma’y sakop sa pamilya nga mataptan, dili gilayon makatakod sa ubang miyembro sa panimalay.
Kung wala pa man hingpit gipahunong ang pagdagan sa Public Utility Jeepneys (PUJs) sa syudad sa Davao ug ubang bahin sa Rehiyon Onse, angay hunahunaon sa mga drivers ang kaayohan sa ilang mga pasahero pinaagi sa pagsunod sa physical distancing aron ang COVID-19 mabatukan.
RadyoMaN Joel Viray
