‘No cellphone policy’ ginapatuman sang LTO Bacolod

27

BACOLOD CITY – Ginalauman nga mangin madasig na ang serbisyo nga igahatag sang Land Transportation District Office sa publiko diri sa ciudad sang Bacolod kasunod nga ginpatuman na ang pagdumili sa pag-gamit sang cellphone durante sang office hours.

Sumugod sini nga adlaw pagasuguran na sang LTO sa Bacolod ang pagsunod sa memorandum sang LTO Region 6 nga nagadumili sa mga empleyado sini nga mag-gamit sang ila cellphone durante sa oras sang trabaho.

Suno kay Bacolod LTO chief Reuben Tampos nga sumugod sini nga adlaw ang mga empleyado sang LTO Bacolod ang maga-deposit na sang ila cellphone agud indi nila ini magamit.

Pahayag pa ni Tampos nga tinituyo sang memorandum sang LTO Regional Director nga mapadasig ang serbisyo sang mga empleyado sa publiko.

Sabat ini sang Land Transportation Office sa reklamo nga tuman ka hinay sang pag-proseso sang ila talatapan bangod ang mga empleyado ang masako pa lantaw sa ila cellphone kay sa dapat serbisyuhan./ Contributed photo

Facebook Comments