Subling gipahinumduman sa Department of Education kon DEPED Malaybalay City Division ang mga magtutudlo ug principal sa mga public schools alang sa hingpit nga pagpatuman sa ‘no collection policy” kini subay sa pagbukas sa klase niadtong Hunyo 3.
Sa interview sa RMN Malaybalay ngadto kang Sunny Ray Amit, ang Assitant Schools Division Superintendent gibutyag niini nga ilang gimanduan ang mga school heads ug principal nga subayon ang mga magtutudlo nga walay himoon nga pagpangolekta ug mga amuton.
Ang Deped adunay voluntary contribution alang sa mga pinili nga programa apan gitataw niini nga dili kini kolektahon sa pagbukas sa klase.
Matud ni Amit nga kung aduna may amuton nga nasabutan ang PTA kini pagakolektahon sa human sa bulan sa Agosto.
Gipasidaan pag-usab ang opisyal nga ang magtutudlo nga mamugos sa pagpabayad niini sa mga tinun-an mahimong pasakaan ug reklamo.
