Kini human nga adunay mga reklamo gikan sa mga ginikanan kansa mga anak nagtungha sa public schools kalabot sa kontribusyon asa ginagamit ang Parent-Teacher Association (PTA) aron makatigom og pondo aron ipalit og electric fan, bond paper, ug bisan pasweldo sa security guards ug janitors sa eskwelahan.
Matud ni Michael Poa, tigpamaba sa DepEd, dili sila makapanghilabot sa PTA tungod kay aduna kini kaugalingong palisiya, apan ilang imbestigahan kung ang paghatag og kontribusyon sa eskwelahan boluntaryo ba o dili.
Gipahinumdom usab ni Senador Raffy Tulfo ang Republic Act 5546 or An Act Prohibiting the Collection of Contributions from School Children of Public Primary, Intermediate and High Schools.
Kumento sa netizen nga GirLie Solatorio, angay nga i-provide sa gobyerno ang tanang panginahanglan sa public schools, basin kini usab ang rason kung nganong sila nakapangolekta og kontribusyon alang sa ilang panginahanglan.
RadyoMaN Kirby Manzon
