TACLOBAN CITY – Ginbay-ug hin magnitude 4.9 nga linog an iba nga parte han Sinirangan Bisayas kakulop pero sumala han mga otoridad nga waray damage nga naitala ngan waray nasakitan han mao nga pagbay-ug.
Alas 10:48 han aga naabat an linog nga Intensity 5 nga sumala han Philippine Institute of Volcanology and Seismology o kun PHIVOLCS makusog an naging pagbay-ug ha bungto han Salcedo ngan Mercedes ha probinsya han Eastern Samar.
Naabat han Intensity 4 o kun moderately strong ha Lawaan, Intensity 3 ha Borongan, Guiuan ngan San Julian ha Eastern Samar. Naabat gihapon ha Tacloban ngan Palo, Leyte ngan ha Catbalogan ha Samar.
Sumala han PHIVOLCS an epicenter han linog in nakit-an two kilometers northwest ha Salcedo Eastern Samar.
Waray naman aftershocks nga narecord an buhatan.
