*i Balita*
*May 12, 2018*
*(Photo From Web. No Copyright Infringement Intended)*
Ginkumpirmar ni Presidential spokesman Harry Roque kahapon sa interview nga indi pag e extradite sa Kuwait ang mag asawa nga main suspects sa pagpatay kag pagsulod sa freezer kay Joanna DEMAFILES isa ka tuig na ang nagligad.
Suno kay Roque, hiwaton ang murder trial sa Lebanon sa partisipasyon sang otoridad sang Kuwait kag Pilipinas. Wala pa gindetalye ni Roque kon san o magapadulong sa Lebanon ang representatives halin sa Pilipinas kag kon sin o ang kaupod nga himata ni Joanna agud magtambong sa nasambit nga trial.
“They will not extradite them to Kuwait but there will be a trial in Lebanon with participation from the Kuwait authorities as well as Philippine authorities,” pahayag ni Roque.
Sa madumduman, nasapwan ang bangkay ni Joanna Demafiles, 29 anyos sang Brgy. Ferariz,Sara Iloilo sa sulod sang freezer sa abandonado nga apartment sa Kuwait.
Ginpamatbatan sang korte sa Kuwait sang death penalty paagi sa bitay ang mga amo sini nga sanday Nader Essam Assaf ,isa ka Lebanese kag ang asawa sini nga si Mona, isa naman ka Syrian.
Gin arestar si Assaf sa Syria kag gin turned over sa Lebanese authorities samtang priso naman sa Syria ang asawa sini nga si Mona. Sa resulta sang autopsy report ni Joanna , naga pakita severe beating ang gin agum sini antis ginsulod sa freezer.
