No foul play sa kamatayon sa estudyanteng napalgang patay sa Brgy.8-A

Davao City – Posibleng nadalin-as og naigo ang ulo sa magahi nga butang kini ang pasiunang inbestigasyon sa San Pedro Police Station, kabahin sa napalgang patay’ng lawas sa estudyanteng giila nga Christopher John Reuyan,16 anyos, human nakit-an alas 9:30 sa buntag Disyembre 21, 2023 sa Purok 7, Kawayanan, Brgy 8-A, Davao City.

Sa interview sa DXDC RMN Davao kang Police Major Marvin Hugos, San Pedro Police Station Commander gibutyag niini, walay nakitang foul play ang kapulisan sa kamatayon sa biktima dili na usab maklaro ang samad sa biktima tungod anaa na sa pagkadugta ang lawas niini.

Segun ni Hugos, subay sa gihimong pag-inbestiga ngadto sa pamilya nga walay nakaaway ang biktima.

Dugang sa opisyal, gihangyo ang pamilya sa biktima nga ipailawom sa awtopsiya ang patay’ng lawas, aron mahibaloan ang hinungdan sa kamatayon niini.

“Isa na sa gina-consider nato mao nay nahitabo matud paman god nga walay nakalaban kining bataa gikan sila nangaon sa Bankerohan mao pag-uli nila nag bulag bulag sila unya ni shortcut og agi ang biktima og basi na slide og bagsak ang ulo sa magahi nga butang”,Sulti ni Hugos.

Kahinumduman, ang biktima wala na nakauli sa ilang pinuy-anan sumala sa amahan nga si Jomar Reuyan sukad niadtong Disyembre 17, 2023 alas 6:00 sa buntag.

RadyoMaN Don Pulayao