Sumala ni CAAP Davao Manager Rex Obcena, hugot gihapong ginapatuman sa syudad sa Davao ang palisiya nga ‘No Greeter and No Send-off’ sa tanang public transport terminal ilabi na sa Davao Airport.
Segun ni Obcena, giimplementar kini ni kanhi Davao Mayor karon Bise Presidente Sara Duterte sukad pa niadtong Pebrero 2020 ug hangtod karon ginasunod kini sa mga airport authorities alang sa hugot nga seguridad ug malikayan ang overcrowding.
Gitataw ni Obcena, nihatag sila’g konsiderasyon sa maong palisiya diin tag-duha lang ang makasulod nga musundo naka-private, public vehicle man o bisan walk-ins.
Nanawagan kini sa mga Davaoeños sa ilang kooperasyon ug pag-obserba sa balaod alang sa hapsay ug safety sa publiko.
Gilaraw sa CAAP Davao Public Safety and Security Office, City Government of Davao nga magmuntar og pasilidad sa gawas sa airport alang sa mga mosundo ug maghatod sa mga airline passengers.
RadyoMaN Aimee Guinita
