Human nga milingkod ang bag-ong Hepe dinhi sa atong dakbayan sa Dipolog nga si PSUPT Darwin Sac Rafer daghan siya ug mga kausaban nga paga himoon ilabi na sa pakigbatok sa krimen ug droga.
Sa pagkakaron, una nga iyang gitutukan mao ang trapiko dinhi sa atong dakbayan ilabi na nga taas kaayo ug kaso sa mga disgrasya sa kadalanan sama nalang sa dili pagsuot ug helmet panahon nga magbyahe ang matag indibidwal.
Kung kahinumduman nga adunay naman balaod sa nasyunal ang pagsuot ug helmet nga mao ang Republic Act No.10054 – An Act Mandating All Motorcycle Riders to Wear Standard Protective Motorcycle Helmets While Driving and Providing Penalties Thereof.
Samtang dinhi sa atong dakbayan aduna usab city ordinance ang gipanday nga mao ang Ordinance No. 107, series of 1996 nga gikinahanglan ang pagsuot ug helmet sulod sa atong syudad sa Dipolog.
Kini karon ang gi kuhaan ug basehan sa hepe nga si Rafer nga pahugtan gayud ang pagpatuman sa pagsuot ug helmet sa mga motorista alang nausab sa ilang seguridad.
Sa bisan asa nga suok dinhi sa atong dakbayan sa Dipolog kanunay ang ilang pagpahigayon ug checkpoint sama nalang sa may Boulevard matag gabie ang ilang pagpatuman ug checkpoint alang niadtong mga motorista nga walay helmet sa pagpanguna ni SPO4 Jerry Buhisan.
Matod pa ni Jerry Buhisan nga ubay-ubay na ang ilang mga napahamtangan ug penalty alang sa mga mga malapason sa traffic code dinhi sa atong dakbayan sa Dipolog.
Kanunay usab ang ilang pag awhag sa katawhan nga batasanon gayud ang kanunayng pagsuot sa helmet ug pagdala sa mga papeles sa gimaneho nga motor para dili malangan ug maka multa.
