Davao City- Hugot nga ipa-implementar sa Task Force Davao (TFD) ang ‘No Parking’ policy sa may San Pedro Square nga gikonsiderang Maximum Security Zone inubanan sa uban pang mga ‘Pasko Fiesta 2019’ venues.
Sumala ni Task Force Davao Commander Col. Consolito Yecla, tumong niini nga malikayang adunay mga sakyanang gamiton diha sa pagpabusikad or mga terroristic attacks sama sa istilo sa mga terorista sa bisan asang dapit karon sa kalibutan.
Kahinumdoman nga sa pipila ka mga kabisera sa dagkung kanasuran sa kalibutan sama sa Europe ug sa Middle East ingon man uban pang parte sa Asya, nauso na ang suicide bombings ug pagpangbilin og mga car or truck bombs.
“In response to the IED attack in Shariff Aguak, Maguindanao on 23 November 2019 utilizing (a) motocycle, we pushed for the full implementation of ‘No Parking’ policy in San Pedro Square and other Pasko Fiesta venues,” sumala sa TF Davao commander.
Ilawom sa Resolution No. 036-19 sa Konseho ning syudad, deklarado ang San Pedro Square nga usaka ‘Maximum Security Zone’ diin gidili ang pag-park og motorsiklo atol sa mga dagkung aktibidad sa lungsod sama sa Kadayawan, Araw ng Davao ug uban pang mga iladong city festivals ug community celebrations.
RadyoMaN Aimee Guinita
