Davao City – Sa tinguha nga makunhuran ang problema sa trapiko sa Davao City gilaraw atol sa session sa lokal nga konseho ang ‘No Parking Space, No Car’ nga ordinansa.
Atol sa privilege speech ni Committee on Transportation and Communication chair Conrado Baluran nga kinahanglang aduna usay mapresentang Proof of Parking Space certificate kun affidavit una makaangkon o makapalit og sakyanan ang prospective vehicle owners.
Gipunto usab sa konsehal nga kini aron hawanan ang mga kadalanan diha sa mga obstruction tungod sa illegal parking.
Buot ni Baluran nga magpahigayon og committee hearing subay niini.
“Atog imbetahon ang mga car dealers sa Davao together with the concerned agencies like LTFRB, LTO and CTTMO,” matud ni Baluran.
Gilaraw ni Baluran nga adunay mga high rise parking space sa lungsod.
“Mag-invite ta og mga investors either through Public Private Partnership (PPP) ug joint venture nga magkaroon ta og mga high rise parking spaces sa Davao. There are government lots or maybe mga privately owned lots nga pwedi nato’g tagaan og incentives ang mga tag-iya,” matud ni Baluran.
RadyoMaN Aimee Guinita
