Davao City – Hugot nga ginamonitor sa Police Regional Office XI ang mga nagkadaiyang money investment scheme companies sa Davao Region kung kumpleto kini og mga dokumentos aron maka-operate.
Gibutyag ni PRO XI Regional Director Police Brigadier General Marcelo Morales nga nagpahigayon og coordinating conference ang Davao del Norte Police Provincial Office uban ang BSP, SEC, DTI, BIR, PhilHealth ug BFP.
Giawhag ni Morales ang mga concerned government agencies nga aksyunan kadtong mga wala ni-comply nga mga kumpanya.
“In the absence of these permits, we encourage ang mga agencies na ito na to take action. Sila na iyong mag-issue ng Show Cause Order dito sa mga companies,” matud ni Morales.
Gibutyag ni Morales nga iyahang gipasusi kung aduna ba gayod kapasidad ang maong mga investment scheme companies nga muhawid og dinagkong mga kwarta.
“Alam natin na hindi basta-basta maka-generate ng ganoon kalaking profit in such short period of time. Gusto ko rin malaman na kung ang mga company na ito na kung mayroon ba silang background sa banking and finance na capable sila to handle huge amount of money para sa investment na ginawa nila,” matud ni Morales.
Aminado si Morales nga dili usab sila mamahimong manakop tungod kay wala pa silay nadawat nga formal complaint kalabot sa mga investment schemes.
RadyoMaN Aimee Guinita
