Davao City – Nagpadayon ang mga personahe sa Tropical Unit sa City Health Office (CHO) sa pagsulod sa mga Barangay aron pangguba-on, ang mga puy-anan sa lamok nga nagdala sa sakit nga dengue.
Sa interview sa DXDC RMN Davao kang CHO Pest Control Worker II Melodina Babante, doble igmat sila sa pagsulod sa kabarangayan aron dili matakbuyan sila sa COVID-19. Segun ni Babante no physical contact sila sa pagpahimo og soaking activity.
Mo-coordinate una ang mga taga-CHO sa mga Barangay sa schedule sa soaking aron ibilin lang sa mga residente, ang ilang mga mosketero ug habol sa gym una pa kini i-soaked sa mga taga-Tropical Unit.
“Dili man gyod nato pwedi na dili nato sudlon ang mga balay-balay, kay naa sa mga balay kanang mga napabayaan lata, bote kining mga breeding place, mao gyod ni ang gub-on para mawala ang breeding site sa lamok,” matud ni Babante.
RadyoMaN Aimee Guinita
