‘No Prosti Day’ saulogon ugma

51

Davao City – Kakulang sa edukasyon, dili sakto ang sweldo ug problema sa pamilya: Kini maoy gitumbok nga pipila lamang ka mga kawsa og nganong adunay kababayen-an ang musulod sa prostitusyon.

Sa interview ni RadyoMaN Misel Miral-Galve atol sa tulumanong Serbisyong Straight to the Point kang Lory Pabunag, Secretary General sa Lawig Bubai Organization ug Shin Escabarte, Advocacy Program Officer sa Talikala, Inc. gibutyag nila nga sa padayong kampanya ug adbokasiya nila kontra prostitusyon, hinumdumon ugmang adlawa, October 5, 2018 ang International Day of No Prostitution.

Subay niini, adunay mga nakalinyadang mga aktibidad sa paghinumdom sa maong adlaw sama sa All-Men’s Forum ug Meeting of Prostituted Men and Women in Davao.

Ang nasangpit nga mga organisasyon apil sa mga non-government organizations nga nagaprotekta sa katungod sa kababayen-an ug kabatan-unan nga nahitumpawak o nahimong biktima sa sex exploitation, human trafficking ug prostitusyon.

Dugang pa nga buot nila ipasabot sa publiko nga dili lalim malambigit sa prostitusyon ang kabatan-unan ug kababayenhan ug adunay mga lawom nga mga rason og nganong misulod sila niining matang sa trabaho apan sumala ni Pabunag nga buot nilang edukahon ang katawhan ug mahigmata ang tawo ilabi na sa mga biktima niini nga adunay kinabuhi human sa mapait nga kasinatian busa padayon nilang gina-awhag ang tanan nga makighiusa sa panawagan nga protektahan ang katungod sa kababayenhan.

RadyoMaN Renz Barbarona

Facebook Comments