No Segregation, No Collection policy dry run sa Barangay 1 paingon sa barangay 40, sugdan na sa CLENRO

61

SUGDAN na sa City Local Environment and Natural Resources Office (Clenro) ang dry run sa No Segregation, No Collection policy sa Barangay 1-40 karong Hunyo 1 hangtud Hunyo 30.

Kini subay sa gimando sa Article IV, Section 6, 7 ug Article VI, section 17 sa City Ordinance 13378-2018 o Integrated Ecological Solid Waste Management Ordinance ning syudad.


Gipasabot ni Engr. Armen Cuenca, hepe sa Clenro nga kinahanglan nga ma-segregate ang mga basura gikan mismo sa panimalay ug mga establisemento ug dili kini kolektahon kung wala mahisubay sa maong balaodnon.

Gani man base sa maong ordinansa kinahanglan adunay kaugalingong sudlanan ang matag klase sa basura sama sa mga malata o biodegradable, recyclable ug ang mga dili na mapuslan. Ug kini ippagawas lamang sa gitakdang oras sa pagkolekta.

Ang mga malata o biodegradable wastes kolektahon sa IPM sugod alas 6:00 sa buntag hangtud alas 12:00 sa udto lamang matag adlaw, samtang ang mga dili malata ug dili na mapuslan nga mga basura kolektahon matag alas 6:00 sa gabii hangtud alas 12:00 sa tungang gabii matag adlaw.

Ang mga malata nga basura kinahanglang ibutang sa mga sudlanan nga adunay taklob ug gidili ang pagbutang niini sa mga plastic cellophane o trash bags.

Samtang ang hingpit nga implementasyon niini sugdan sa Hulyo 1 ning tuiga.

Facebook Comments

From Advertisers