GUIMARAS – Gin-snub sang Maritime Industry Authority ukon MARINA kag Philippine Coast Guard ukon PCG ang legislative inquiry sang Sangguniang panlalawigan sang Guimaras provincial government.
Katuyuan kuntani sang legislative inquiry nga ginpatawag sang Guimaras provincial government nga masanagan kon ano ang matuod nga natabo sa trahedya sa Iloilo strait sang Agosto 3 kag kon ngaa naglab-ot sa 31 ang napatay.
Luyag man mahibaluan sang provincial government kon nga-a nadugayan ang pagrescue sa mga biktima sang trahedya.
Paagi sa nasambit nga legislative inquiry, ila man hibaluon kun ano ang protocol sa pagpatigayon sang rescue operation sang PCG kag iban pa nga rescue volunteer groups.
Wala naman sang abiso ukon explanation ang MARINA kag coast guard kon ngaa indi sila makatambong apesar nga sang nagligad nga semana pa napadala ang invitation letter para sa legislative inquiry.
Dismayado naman si Guimaras Vice Governor John Eduard Gando bangod sa natabo.
*Tags: Visayas, DYRI774, RMN Iloilo, Iloilo City, Iloilo*
