NO SUNDAY MOVEMENT SA GENSAN, MAGPADAYON – MAYOR RIVERA

27

General Santos City–Wala pa nakit-an ni Gensan City Mayor Ronnel Rivera ang resolusyon nga napasar sa hawanan sa konseho nga naga-awhag nga dili na ipatuman ang ‘No Movement Sunday’.
Apan subay sa naunang nasabutan ug na-aprubahan sa local IATF, magpadayon ang implementasyon sa No Movement Sunday kung asa kauban nila ang mga barangay kapitan.
Sumala ni Mayor Rivera nga magpabilin gihapon sa Modified General Community Quarantine (MGCQ) ang Gensan subay na usab sa quarantine classification gikan sa National IATF.
Dugang pamahayag ni Mayor Rivera nga sa karon, wala pa siya’y nakita nga negatibong epekto sa pagpatuman sa No Movement Sunday ug usa kini sa pamaagi aron malimitahan ang lihok sa katawhan.
Alang kaniya nga dakong tabang ang maong lakang ug siya nanghinaot nga magpadayon ang suporta sa katawhan bisan pa man ug anaa na sa halos pito kabulan ang implementasyon sa No Movement Sunday.
Sa karon, ginahulat nalang nila nga matapos ang pag-draft sa Executive Order ug gilaumang mapagawas ayha ang Oktubre 31.(LVR)

Facebook Comments