ILOILO CITY – Magatipon sa Iloilo city hall subong nga adlaw ang “No to PECO 25” movement kaupod ang pila ka mga militante nga grupo agud ipakita ang ila hugot nga pagpamatuk sa renewal sang franchise sang Panay Electric Company (PECO).
Ini angut man sa pagpahanugot sang mayoriya sang konseho nga makapaathag pa ang PECO sa session sang city council subong nga adlaw.
Pagakuwestyunon sang mga anti-PECO nga mga grupo ang pagpasugot sang city council sa hingyo sang PECO nga ginakabalak-an nga makapabag-o sa desisyon sang konseho nga pamatukan ang renewal sang franchise sini.
Subong man, ginpat-od ni Vice-Mayor Jeffrey Ganzon nga indi na maligwat ang panindugan kag desisyon sang city council bisan pa nga magapaathag ang PECO kag magasabat sa mga reklamo sang publiko. /// Photo from web
