Davao City – Angay nga sugdan usa ang pagpabakuna sa COVID vaccine ngadto sa mga Pilipino ayha ipailawom ang Pilipinas sa Modified General Community Quarantine (MGCQ).
Subay kini sa desisyon ni President Rodrigo Duterte nga og way vaccine roll out, dili usa magpatuman og luag nga quarantine status nga mao usab ang giuyonan ni Dra. Marie Yvette Barez, Infection Control and Prevention Unit Chair sa Southern Philippines Medical Center (SPMC) atol sa interview sa DXDC RMN Davao.
“Okay raman sa amo kung di mag-MGCQ, we have to wait nga maabot tong vaccine nga mahatagan ang mga tao,” segun ni Barez.
Sumala ni Barez nga sa GCQ status sa Davao City as of February 23, 2021, miubos ang COVID positivity rate ingon man ang waitlist gikan sa laing ospitals nga i-admit sa SPMC.
Subay niini, malaumon ang health expert nga masugdan na ang COVID vaccine diin lauman nga sa di madugay muabot na ang unang tranche sa vaccine diin Pfizer vaccine ang gipangandaman sa SPMC.
“Sa SPMC, we are doing simulation for the past 2 weeks, nag-practice na unsaon pag-inject. Nag instruction na, kasi ang muabot nga una is ang Pfizer na vaccine,” dugang ni Barez.
RadyoMaN Renz Barbarona
