PALO LEYTE – Ha pagkanhi han opisyal tikang ha Malacanang, iya gin-malatumat nga diri malilikyan ngan natural la nga mayada mga issues ngan reklamo nga ginpapadangat ha mga housing projects.
Ini daw an pinakasyahan nga rason kun kay ano nagdudumara an Office of the President hin aksyon agud masulosyunan an mao nga issue.
Usa gihapon nga susulosyonan han Office of the President an problema ha pakabuhi, tubig ngan kuryente nga mga rason kun kay ano diri pa nakakabalhin an kadam-an nga mga benipesyaryo ha mga housing unit.
Ha ginpresenta nga report ni NHA Region 8 Regional Manager Rizaldy Mediavillo ha mao nga katitirok, 11,101 pala han 14,433 nga target nga pabalay an na-award ha mga housing beneficiaries han Tacloban.
Ha Leyte naman, 1,827 pala an na-award han 16,199 nga target nga pabalay. Ha Samar, 1266 pala nga pabalay an nakompleto han 8,900 nga target. Ha Eastern Samar, 763 pala nga pabalay an nakompleto han 7,573 nga target nga housing unit. Ha Biliran naman in mayada pala 28 an nakompleto han 8,905 nga pabalay nga ginkikinahanglan.
