Davao City – Mihatag og pagsuporta ang usa ka ginikanan sa pagbawal na sa mga menor de edad sa pagdula diha sa internetan sa weekdays o gikan sa adlaw’ng Lunes ngadto sa Biyernes.
Sa interbyu sa DXDC RMN Davao kang Anecita Sacay, taga Purok Durian, Tagakpan, Tugbok District, Davao City gibutyag niini bisan og dagko na ang iyang mga anak apan sa pagkakaron iya kining gipahimangnoan kanunay labi na alang sa iyang mga apo nga magbutang og limitasyon diha sa pagdula sa intenetan o bisan sa ilang mga gadgets.
“Support gyud ko nga i-stop na gyud sila. Alang man gud na ilang kaayuhan gyud. Ato gyung istoryahon ang mga bata aron dili sila madaut labi na sa ilang mahibaw-an sa ilang mga games-games,” saysay ni Sacay.
Dugang ni Sacay nga dakong repsonsibilidad alang sa mga ginikanan ang pag-monitor sa ilang mga anak labi na diha sa paggamit sa teknolohiya.
Subay sa gi-amiyendahang ordinansa, mamahimong tugutan ang bata nga mag internet alang lamang sa iyang research or projects apan kutob lamang usab kini sa alas-9 sa gabii.
RadyoMaN Kirby Manzon
