Nasayrang gideklarang special non-working holidays ang October 30, November 1 ug 2, pasabot nga ma-apply ang palisiya nga “no work, no pay”.
Sa pagpanubay sa DXDC RMN Davao, giklaro sa DOLE-XI nga basta special holiday automatic nga ma-apply ang “no work, no pay”. Apan, adunay mga kumpanya nga dili applicable ang “no work, no pay” ug nagabayad gihapon sa mga trabahante atol sa special non-working holidays depende usab sa ilang kaugalinong palisiya.
Matud sa DOLE, ang adunay bayad bisa’g walay trabaho mao ang regular holiday.
Kung ang employee mutrabaho atol sa special day, siya bayaran og dugang 30% sa iyang basic wage sa unang walo ka oras sa iyang trabaho (basic wage x 130%).
Mamahimong bisitahon ang DOLE official Facebook pages alang sa kumpletong palisiya sa pagpsweldo sa mga trabahante.
RadyoMaN Kirby Manzon
