Ginpaagi na lang sa kadlaw sang boyfriend ni Andi Eigenmann nga si Philmar Alipayo sang masal-an ini nga bodyguard sang aktres.
Sa iya Instagram account, ginpahayag sang boyfriend ni Andi nga wala gid niya ginapaabot ang pagpalapit sang isa ka grupo nga indi niya kilala kag namangkot kun bala guard siya ni Andi.
Kun nainsulto man si Philmar sa sala nga konklusyon angut sa iya, ginbutangan na lamang sang lalaki sang laughing emojis ang kasunod nga written text sa iya IG story.
Walo na ka bulan nga magkarelasyon sanday Andi kag Philmar, nga kilala naman bilang isa ka champion surfer nga naga-istar sa Siargao.
Sadtong Pebrero 1, 2019, ginbalita ni Andi nga nagabusong siya sa kag si Philmar ang amay sini.
Kasunod sini ginpahayag sang aktres nga nagapatindog na sila sang balay ni Philmar sa Siargao. /rcsg
