Crucial ug extensive: Kini maoy paghulagway karon ni Cabinet Secretary ug Spokesperson sa Inter_Agency Task Force on Management of Emerging Infectious Diseases (IATF-EID) Karlo Alexei Nograles sa ipahigayong meeting karong Lunes, April 20.
Matud ni Nograles, balansehon sa komitiba ang klase-klaseng assessment ug rekomendasyon kun ipadayon ba, undangon o i-modify kun i-recalibrate ang control measures ubos sa Enhanced Community Quarantine (ECQ) nga matapos karong April 30.
Una niini, gisugyot ni Presidential Adviser on Entrepreneurship Joey Concepcion nga angay hinay-hinay na nga ablihan ang pipila ka mga sensitibong industriya sama sa engaged sa manufacturing ug production aron makabakod na ang ekonomiya.
Dugang usab ni Nograles nga sunod semana, i-detalye na sa IATF kun unsaon pag-utilisar sa mga Rapid Covid Test Kits alang sa mga PUMs ug mga PUIs sa entero nasud.
Ang Pilipinas aduna nay 17 sub-national facilities kalakip ang Southern Philippines Medical Center (SPMC) nga gi-accredit sa Food and Drug Administration (FDA) aron maoy mo-handle sa rapid tests.
Ang Department of Budget and Management (DBM) nag-release na og P1.9B alang sa pagpalit ug rapid COVID test kits.
RadyoMaN June Duterte
