Nohay gusta el maga netizen despues ya mira el video na facebook donde el maga pulis ya trinca y ya pisa na cabesa del un irido persona quien alegaomente yan tirahan con el un pulis na Sinunuc del Domingo denoche.
Cuantos del maga netizen ta pidi con el Commission on Human Rights para imbestiga con el asunto.
Uno pa del pregunta del maga netizen amo si porque el maga pulis nohay ni uno el tiene posas para man posas con el suspechao ya tene pa que busca amarro para amarra con el suspechao como un puerco.
Ta questiona tambien el maga netizen si porque nesesita pa pisa na cabesa del suspechao mientras tumbao este y amarrao ya el dos pulso pa atras.
Facebook Comments
