Davao City – Gipaboran karon sa Act for Children’s Alliance, usa ka non-government organization (NGO) denhe sa Davao nga nagpakabana sa katungod sa mga kabataan ang marching order ni Pres. Rodrigo Duterte nga himoong usaka non-bailable offense ang child trafficking.
Sumala ni Bernie Mondragon, Act for Children’s Alliance Executive Director, mas labaw pa sa pagpayuhot sa droga ang kasong child trafficking tungod kay daghan kaayo ang mabiktima.
Hinoon, giklaro ni Mondragon nga ang kasong ‘qualified child trafficking’ gikonsidera na man ilawom sa presenteng mga balaud nga usaka non-bailable infraction.
Hangyo sa maong pundok ngadto sa gobyerno nga kung unsa ka agresibo ang pagpangita ug pagdakop sa mga drug traffickers, susama usab nga ka-agresibong krusada ang ilusad sa estado batok niadtong nagapangbiktima sa mga Pilipino ilabi na mga inosenteng kabatan-onan.
RadyoMan Bernard Pantallon
