Non-compliant barangay sa drug cleared barangay mahimong kasohan

Davao City- Gipagawas sa Davao City Anti-Drug Abused Council (CADAC) nga 83 ka mga Barangay sa dakbayan sa Davao nga non-compliant sa Drug-Cleared Barangay.

Gipasabot ni PDEA XI Spokesperson Noli Dimaandal, mahimong kasohan ang usa ka Barangay tungod sa kalapasan sa section 32 sa Republic Act 9165 o Comprehensive Dangerous Drugs Act of 2002 ug Local Government Code, tungod sa kapakyas sa kampanya kontra droga.

Ang mga rekisitos aron ma-kwalipikado sa Drug-Cleared Barangay ang usa ka Barangay, kinahanglan ang maong dapit dili agian og ilegal nga droga, wala nay pusher, user, dunay rehabilitation program alang sa mga adik ug aktibo sa kampanya kontra droga.

Gisulti ni Dimaandal, kung maangkon sa usa ka Barangay ang maong mga rekisitos, mamahimo na kining maka-apply sa Drug-Cleared Barangay ug ang Drug Board Members magsabot aron sutaon kung nakatuman ba o wala ang usa ka Barangay.

RadyoMaN Joel Viray