Ginduso ni Councilor Candice Tupas ang pangabay sang Iloilo City Health Office nga ikonsiderar ang pag-hire sang City Government sa mga empleyado nga non-smokers ukon wala nagapanigarilyo.
Ang tikang ginhimo ni Tupas sa Session sang Sangguniang Panglungsod bilang suporta sa anti-smoking campaign sang Siyudad.
Nahibaluan nga ginhingyo ni City Health Officer Dr. Bernard Caspe nga ikonsiderar sa pagbaton sang empleyado sang siyudad kon nagapanigarilyo ukon wala ang aplikante.
Pagatun-an naman sang City Council ang nasambit nga suhestyon kon sa diin madamo sa mga konsehal ang pabor diri apang pila ka isyu ang ginalantaw diri kaangay sang diskriminasyon.
Gintugyan na sa Committee on Rules kag Committee on Health ang nasambit nga proposal agud mapadalman sang husto.
