iFM Laoag – Nangipaay iti Northpoint Alliance Motors Corp babaen iti donasion ti Mirage G4 para kadagiti agsanay iti technological ken electronic skills nga agbalin a technicians wenu mekaniko iti Probinsia iti Ilocos Norte.
Ti donasion ket naggapu iti Mitsubishi Motors Philippines Corp ket naiyawat iti Ilocos Norte College of Arts and Trade. Babaen iti Memorandum of Understanding (MOU) ditoy nga maikkan iti gundaway dagiti estudyante a dumalan iti training ken immersion programs iti sidong ti INCAT. Benepisyo daytoy nangnangruna kadagiti estudyante nga agad-adal iti automotive, apagapaman a makagraduar daytoy, adda iti posibilidad a makaobra iti nadakamat a kompania.
Inawat daytoy nadakamat a donasion babaen ken ni Laoag City Schools Division Superintendent Vilma Eda, CESO IV nga agpaay iti nasao a pagadalan.
Innayun pay iti Northpoint Alliance Motors Corp (NAMCo) a maikkanda dagiti estudyante a makausar iti makina a mang-diagnose kadagiti lugan usar iti computers ken dadduma pay a teknolohiya. Passet daytoy ti Corporate Social Responsibility (CSR) ti nasao a kompania para kadagiti umili. (Bernard Ver, RMN News)
