Notadong gang leader misukol-patay

Davao City – Patay nang nahidangat sa balay-tambalanan ang notadong gang leader human kini giingong misukol atol sa gilusad nga buy-bust operation sa awtoridad sa Purok 22, Sitio Malamboon, Brgy. 76-A Ecoland, Davao City nahitabo alas11:40 Miyerkules (Setyembre 10) sa gabii.

Suspek mao si alyas ‘Jun-jun’ kinsa usab iladong nalambigit sa mga riot ingon man mga pagpangawat sa area sa Talomo Police Station ug kasikbit nga lugar.

Malampusong napalitan ang suspetsado og pakete sa gituohang shabu diin sa dihang dakpon na kini, kalit gibunlot ni alyas Jun-jun ang armas gikan sa iyang bag dayon pusil ngadto sa target nga police apan wala kini naigo gani abtik nakabalos og pusil ang personahe igo sa lawas sa suspetsado.


Gisulayan pa og dala ang suspetsado sa Southern Philippines Medical Center (SPMC) aron matambalan apan deklarado dead on arrival sa doktor.

Nakuha sa doktor gikan kang alyas Jun-jun ang mga pakete sa marijuana, rugby ug ubang non-drug items.

Samtang narekober usab sa SOCO sa crime scene ang .38 kalibre sa pistola ug mga bala.

Mubalor sa kapin kun kulang P8,000 ang kantidad sa iligal nga droga ang narekober sa awtoridad.

Subay niini, gi-commend ni PRO-XI Regional Director Brig. Gen. Marcelo Morales ang nabuhat sa operatiba sabay panganti nga magpadayon sa ang ilang mga operasyon aron hingpit nanav mabatukan ang iligal nga droga sa Rehiyon 11.

RadyoMaN Jason Amisola

Facebook Comments