Davao City – Patay ang usa ka notadong kawatan human matud pa misukol sa kapulisan pasado alas 11 sa buntag kagahapon sa B-1 Riverbed Brgy 22-C siyudad sa Davao.
Sa report sa Sta. Ana PNP, buot unta nila arestuhon ang giilang si Recarte Baco, 36 anyos ug residente sa nasangpit nga lugar sa kasong pagpangawat apan wala kini nagpadakop nga buhi sa otoridad.
Matud pa nga ang suspek nanglungkab ug nanunggab sa tag-iya sa usa ka tindahan nga gipanag-iyahan sa usa ka John Vargas, 47 anyos sa Brgy24-C ning siyudad hinungdan daling nagpatabang si Vargas sa kapolisan San Pedro PNP.
Samtang ang Sta. Ana PNP na ang nagpahigayon og follow-up operation sa nahisgutang lugar apan sa dihang namatikdan sa suspek nga dakpon sa mga pulis, mikuha kini og armas sa iyang balay ug namusil apan wala kini mibuto hinungdan nga midepensa ang otoridad ug napusil-patay ang giingong notadong kawatan.
Narekober gikan sa pinuy-anan sa suspek ang mga assorted items lakip nakuha ang kutsilyo nga maoy gigamit sa suspek sa pagpanunggab.
RadyoMaN Don Pulayao
