Notorious nga manakaw, arestado sa isla it Boracay

Boracay, Island — Arestado rong sangka notorious nga manakaw kaina it aga-aga matapos nga takawan ro sangka Koreano sa Sitio Bantud, Barangay Manocmanoc, Boracay.
Base sa report it Boracay Tourist Assistance Center (BTAC), ginsueod it suspek ro apartment nga ginadayunan it biktimang si Choi Hyung Dong ag ginbuoe rong 800 USD, P6,600 nga cash ag Samsung Galaxy 6 cellphone.
Samtang nakilaea man rong suspek kay Marvin Reyes y San Pascual, 29-anyos ag residente it nasambit nga lugar.
Sa imbestigasyon naga guwa nga naabutan it biktima rong suspek sa sueod it apartment pero nakatakas raya.
Insigida nga nagpatigayon it manhunt operation rong mga kapulisan kuntra sa suspek ag na recover ro cellphone.
Natumod man ro suspek pinaagi pa gid sa CCTV footage it CCTV camera nga naka install sa nasambit nga apartment.

Facebook Comments