*NOTORYOSO ABU SAYYAF ARESTAO NA SULU*
*BHONG SIMBAJON*
Mga operativas del military ya fuede aresta con un notoryoso myembro del bandido grupo Abu Sayyaf na provincial de Sulu ayer.
El comndante del Western Mindanao Command Lt.Gen. Carlito Galvez, Jr ya identifica con el notoryoso bandido como si MILHAM SAHAM,24, residente de Barangay Bangcal, Patikul, Sulu. Ele uno del mga sub-leader del mga bandido bajo con el Commander Radulan SAhirun con quien ta hace tambien embuscada el militar.
Con Saham ya fuede aresta el militar bajo na 45th infantry Battalion mientras ta man patrolya na vicinidad del Barangay Buhanginan,Patikul ayer alas-saiz del noche.
Ya fuede confisca na posesyon de Saham cuantos mga materyales para hace bomba inclujido ya el Ammoniium Nitrate Fuel Oil (ANFO) bomb, Improvised Explosive Device (IED) con detonating chord, electrical wires, electrical tapes y circuit assembly.
Con Saham positive ya identifia el uno del mga informante del militar, donde ele conosido bandido tambien na diila barangay. Presentamente el arestao bandido ta emfrenta el interogasyon military na campo del 45th infantry Battalion na Sulu. – *Bhong Simbajon/RMN News*
