Novavax, naghayag ng intensyong mag-apply para sa EUA ayon sa FDA

Inanunsyo ng Food and Drug Administration (FDA) na naghayag ng intensyon ang Novavax na mag-apply para sa emergency use authorization (EUA).

Ayon kay FDA Director General Eric Domingo, sumulat na sa kanila ang Novavax at nais nilang mag-apply para sa EUA.

Aniya, nagpadala na ng ilang clinical trials results sa kanila ang Novavax.

Sa ngayon, pinag-aaralan na ito ng mga eksperto kahit hindi pa sila opisyal na nag-a-apply.

Sa tantiya ng FDA, maaaring mag-apply ang Novavax sa Hulyo o Agosto.

Samantala, paalala ng Department of Health (DOH) na ang mga COVID-19 vaccines ay kailangang mayroong Certificated of Product Registration (CPR) mula sa FDA bago ito gawing commercially available.