Sa makausa pa, gidepensahan karon ni kanhi Pres. Bengnio Simeon Aquino III ang kontrobersyal nga Dengvaxia issue nga gisaway ug maayo sa mga kritiko niini ilabi na mga ginikanan ug mga paryente niadtong namatyan gumikan sa naasoyng bakuna.
Sa usaka presser, subling gibarugan ni Aquino nga sa dihang iyang giaprobahan ang maong vaccine purchase, igo lamang nitubag ang iyang adminsitrasyon sa nagkagrabe nga mga insidenteng dengue niadtong tungora nga niigo sa ubay-ubay nga mga dapit sa nasud.
“Nung dumating ang Dengvaxia, nagkaroon tayo nga bagong armas kontra dengue,” pamahayag sa kanhi pamuno-nasud.
Una niini, si Aquino, kanhi Health Sec. Janette Garin, former Budget Secretary Florencio ‘Butch’ Abad ug uban pa gikiha gumikan sa daghang mga kamatay gituhuang bunga sa bakunang natuslok ngadto sa mga estudyante ilawom sa mass dengue vaccination program kaniadto sa Aquino regime.
RadyoMaN June Duterte
