Davao City – Ensakto ang nahimong desisyon ni Davao City Mayor Inday Sara Duterte-Carpio nga wagtangon na sa listahan sa mga benepisyaryo sa Lingap Para sa Mahirap ang mga sakop sa New Peoples Army (NPA) lakip na ang kadtong nakahimo sa nagkadaiyang krimen nga miresulta sa ilang pagkaangol.
Sumala ni Hope Fernandez, Davao Peace Council lead convenor, way rason nga magpabilin pa sila sa maong talaan tungod kay mga kalaban sila sa estado.
Alayon niini gihangyo na lamang ni Fernandez ang mga rebelde nga mokanaug ug mobalik sa gobyerno alang sa kalinaw sa tanan ilawom sa liderato ni Pres. Rodrigo Duterte nga adunay mga maayong programa alang kanila.
Dili motoo ang lead convenor sa Davao Peace Council nga anti-poor and anti-people policy ang maong kamandoan sukwahi sa pamunoan sa NPA nga gipanggamit nila ang mga inosenteng mga tawo ilabina ang mga lumad sa kabukiran ug gipang-ilad aron masuko ngadto sa gobyerno.
RadyoMaN Bernard Pantallon
