Pagadian City – Hingpit na nga gideklara sa tibook probinsya sa Zamboanga del Sur ang Persona non grata batok sa mga rebeldeng New People’s Army (NPA).
Ang diklarasyon gipalig-on pinaagi sa pagpasar og resolution sa Sangguniang Panlalawigan sa nakalabay nga session sa hawanan sa hunta probinsyal.
Gikauyonan sa tanang Provincial Board Members ang Resolution No. 035-2019 kun Declaring as Persona Non Grata the communist NPA Terrorist in the Province of Zamboanga del Sur.
Ang deklarasyon gipasikad sa 1987 constitution ilalom sa Article II nga prayoridad sa gobyerno ang pagmintinar sa kahusay ug kalinaw, pagprotiher sa kinabuhi ug propridad.
Ang nasangpit nga resolution kabahin usab sa pagsuporta sa Executive Order No. 16 series of 2017 kun pag-adaptar sa National Security Policy 2017 to 2022.
