NPA, gin-ako ang pagpatay sang 4 ka pulis sa Ayungon

932

AYUNGON, NEGROS ORIENTAL (21 JULY 2019 Statement). Apat ka pulis patay sa gintigayon nga ambush sa yunit sang Mt. Cansermon Command – New People’s Army (MCC-NPA). Ang ambus natabo sa Sitio Yamot, Brgy. Mabato, Ayungon, Negros Oriental mga alas 2:30 ang takna sang hapon sadtong Hulyo 18.

Patay sa amo nga ambus sila nanday Corporal Lireberth Berollo, P01 Ruel M. Cabelon, P01 Raffy Callao, P01 Marquino De Leon. Sila tanan mga aktibo nga mga katapo sang Intelligence sang 704th Regional Mobile Force Batallion – Police Regional Officers 7 (RMFB – PRO7) naka base sa Sitio Mabingka, Brgy. Mabato, Ayungon Negros Oriental.


“Base sa amon nga pagpaniktik, ang apat ka pulis nga operatiba naga kuha sang impormasyon kag nagapanilag sa lugar para sa sunod kon tani nga hugna sang Oplan Sauron ukon Synchronized Enhanced Management of Police Operations (SEMPO) kon sa di-in ang mga inosenti nga mga mangunguma brutal nga gin pamatay sang mga kapulisan sa ngalan sang kontra-insurhensya nga kampanya. Ang mga kapulisan dugay na nga gapang harras sa mga residente sa amo nga lugar nga gina aligar naga suporta sa rebolusyonaryong hublag. Ang mga pumuluyo napilitan nga magbakwit tungod sa padayon nga pangpanghadlok”, suno kay Dionisio Magbuelas, tigpamaba sang MCC- NPA.

Nakumpiska sa ila ang 4 ka Canik 9mm pistol, 9 ka magazine, 135 ka mga bala kag listahan sang mga ngalan sang ila target.

“Napamatud-an nga madugay na nga ginagamit sang pasista nga rehimeng US-Duterte ang mga elemento sang reaksyonaryong armadong pwersa sa pagpamahug, pagpangharas, kag pagpamatay . Paagi sa madinalag-on nga taktikal nga opensiba, napaslaw ang plano sang kaaway sa pagpanghadlok kag pagpamatay sa inosenti nga mga mangunguma. Bagay nga mahadlok ang reaksyonaryong pasista nga rehimen nga ang NPA determinado nga paslawon ang ila todo gyera kag wala sang duha-duha nga silotan sila sa brutal nga pagpamatay batok sa pumuluyo, “dugang ni Magbuelas.”

[image: image.png]
www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments

From Advertisers