Gin-ako sang New Peoples Army ang responsibilidad nga sila ang nag-ambush sa mga miembro sang Regional mobile force batallion nga natabu sa brgy. Bolo, Maasin Iloilo.
Sa official statement nga ginpaguwa sang Coronacion C0000hiva “waling-waling” command sang NPA, ginpahayag sini nga nangin madinalag-on ang isa ka unit sa idalum sang Jose Percival Sstocada Jr. Command, Central Panay sa pag-ambush sa tropa sang Regional public safety battalion sa barangay Bolo, Maasin mga alas 6 sang gab-i sang Nobyembre 24, 2017.
Ginpabugal sini nga sa nasambit nga ambush, isa ang napatay kag 12 ang napilasan sa tropa sang gobyerno samtang organisado naman kag wala sang casualty nga naka-isol ang yunit sang New Peoples Army.
Gin-ako man sang NPA kahimuan man sang isa ka unit sa idalum sang Napoleon Tumagtang command , Southern Panay ang pag- ambush sa tropa sang Sibalum PNP sang Nobyembre 22 kon sa diin apat man ka mga pulis ang napilasan.
