NPA, gintawag nga talawan sang spokesperson sang 3ID; Katapo sang militar, wala sang plano nga magfull- out sa pila ka barangay sa banwa sang Tapaz!

Tapaz, Capiz- Wala sang plano nga mag-full– out ang puwersa sang militar nga yara subong nagatinir sa pila ka barangay sa banwa sang Tapaz.
Suno kay Major Cenon Pancito III, spokesperson sang 3ID Philippine Army nga kapin sa apat na ka bulan sila nga nagatinir sa lugar kag nagapatigayon gid lamang sang community support program.

Samtang ginklaro man sini nga wala sang kaangtanan ukon wala sang lehitimo nga partisipasyon ang Philippine Army sa ginpatigayon nga joint operation sa pila ka barangay sa Tapaz sang nagaligad nga Disyembre 30, 2020 kun sa diin siyam (9) ka mga sibilyan ang ginbawian sang kabuhi sang ginserbe ang search warrant sa mga subjects.
Nagapati si Major Cenon Pancito III nga may yara sang security concern nga dapat solusyunan ang nasambitan nga mga lugar kabangdanan nga ini ang nagakinahanglan sang presensya sang militar.
Iya man nga gin-akusahan nga mga ‘talawan’ ang mga katapo sang rebelde nga New Peoples Army(NPA).
Ginpunto ni Cenon nga sa tanan nga oras, nakahanda ang pwersa sang militar nga makig-giyera sa nasambitan nga armado nga grupo.

Facebook Comments