NPA gisulod ang balay sa ginikanan sa usa ka police Colonel

45

Balay sa ginikanan sa usa ka police colonel sa Surigao Sur gisulod sa NPA
Pakyas ang gituuhang mga myiembro sa rebeldeng NPA sa ilang target nga makakuha ug mga armas sa usa ka panimalay kinsang anak usa ka Police Colonel.
Kini human gisulod sa mga rebellede ang balay nga gipanagiyahan ni CAESAR TAC-AN BONGCAYAO, 76 anyos, ug NELITA MAQUILING BONGCAYAO, 77 anyos, pulos mga retired teacher nga residente sa Purok 1, Brgy. Mabahin, Cortes, Surigao del Sur. Sila mao ang mga ginikanan ni PCOL JIBIN M BONGCAYAO, nga na-assign sa Police Regional Office BARMM.
Subay sa police report nga bandang alas 7:30 sa gabie niadtung July 18 2021, gisulod sa 7 ka mga myiembro sa NPA ang maong balay ug gilayong nangita ug mga armas , apan tungod kay wala silay makuha gidala na lamang nila ang usa ka air gun ug ubang gamit sa balay, dayun ikyas padulong sa bukirang bahin sa lugar.
Kalabut niini hugot gikundina ni Colonel James Goforth, police provincial director sa Surigao del Sur ang kawalay respito sa mga NPA misulod sa panimalay sa mga tigulang.
Nanawagan si Colonel Goforth sa mga kabanay sa kapulisan nga magbantay ug mo report gilayun kung adunay mga dili maayong lihok mamatikdan sa ilang lugar.
Una nang mibahad ang NPA nga mag house to house sa ilang mga gikonsidera nga target.

Facebook Comments