Davao City – NPA ang gitudlong maoy mikutlo sa kinabuhi sa usa ka sakop sa SCAA subay sa gilusad nga follow-up investigation sa kapolisan sa Baguio PNP.
Sa report gikan sa Baguio PNP ang biktima naila sa pangalang Danti Montilla, 49 anyos nagpuyo sa nahisgutang lugar.
Sa gihimong follow-up imbestigasyon sa kapolisan nasuta nga ang mipusil sa SCAA mga sakop sa Pulang Bagani Command 2, Front Committee 53 New Peoples Army sa pagpanguna ni Ernesto Calunsad alyas Kumander Naser kauban ang iyang asawa nailang Vilma Santos Calunsad alyas Tanya.
Gideklara sa mga attending physician nga dead on arrival ang biktima sa Isaac Robillo Hospital ug kasamtangang sakop sa 3rd IB Philippine Army human gipusil-patay sa Calinan Poblacion.
Atol sa pagpusil gikuhaan pa ang biktima og usa ka armas.
Sa karon giandam na sa kapolisan ang kaso batok sa mga rebelde kansa responsable nga mipatay sa SCAA.
RadyoMaN Don Pulayao
