NPA high ranking official adunay patong nga P5.6-M patay sa engkwentro sa Davao de Oro

Davao City – Patay sa engkwentro tali 1001st Infantry Brigade Philippine Army sa Brgy. Libudon, Mabini, Davao de Oro Miyerkules sa gabii (January 5, 2022), ang longest-serving Secretary sa Southern Mindanao Regional Committee (SMRC).

Sa interbyu sa DXDC RMN Davao kang Capt. Mark Anthony Tito, 10th Infantry Division spokesperson, giila niini ang NPA official nga si Menandro Villanueva, alias ‘Bok’ ug kasamtangang usab Secretary sa Komisyong Mindanao (KOMMID), Commanding Officer sa NPA’s National Operations Command (NOC) ug miyembro sa POLITBURO sa Central Committee of the Communist Party of the Philippines (CPP).

Gibutyag ni Tito, si Villanueva o alyas ‘Bok’ gikonsiderang most wanted CPP/NPA nga adunay kasong multiple murder, robbery, rebellion, arson ug uban pa nga adunay reward nga P5.6 Million.

Sumala niini, ang modawat sa maong reward money ang concerned citizen nga nitudlo sa lokasyon sa napatay nga NPA official. Alayon niini hot pursuit operation sa militar nagpadayon.

RadyoMaN Aimee Guinita