Davao City – Gipaabot na lang sa Davao City Police Office (DCPO) ang dugang kamandoan gikan sa korte aron hingpit na mabiyahe sa Davao City Jail ang usa ka lider sa New Peoples Army kun NPA nga nadakpan sa kapulisan.
Nasikop ang NPA leader nga si Gualberto Aligato Sr., 44 anyos, lumad nga taga Brgy. Lumpiad Paquibato District ning siyudad pinaagi sa joint operation sa DCPO ug Buhangin PNP alas 9:30 sa gabii.
Baon sa mga otoridad ang orden de aresto nga gipagula sa korte dihang gidakop ang akusado sa 11th RMFB, Sgt. Camp Quintin Merecido, Buhangin district ning dakbayan.
Si Aligato, nag-atubang og kaso nga murder ug two counts of attempted murder.
Ang akusado kanhi supply officer niadtong 2010, political officer sa tuig 2015 ug political instructor sa 2016 ubos sa Pulang Bagani Command 1 sa teroristang CPP-NPA-NDF.
Human sa pagdakop gilayon gipailawom sa medical check-up si Aligato Sr.
RadyoMaN Joel Viray
